Fluttur!!!

Hef ákveðið að notast framvegis við bloggið http://raggyman.wordpress.com/ og vera vonandi jafn latur við að blogga þar.

24 tíma læknirinn

Hef verið aumur í öxlinni síðast liðna daga, má kannski best lýsa sem sinaskeðabólgu tilkomna vegna þess að ég hef flakað of mikið af fisk í vikunni. Kveinka mér yfirleitt ekki en vantaði verkjalyf eftir vinnu í kvöld og þau fást í 7-11 hérna allan sólarhringinn. Kom glaðvaskur og skellti minni reglulegu pönntun uppá 10 bjóra patrónu á borðið og spurði hvort hann ættí ekki íbúfen eða svoliss. Jújú það var til en þá sá ég Voltaren í hillunni og spurði hvort það væri ekki hentugra við svona vöðva-og beinverkjum? Varð þá þess skyndilega uppvís að ég var að tala við perka frá Svíþjóð um tvítugt með gervidemant í eyranu sem er að vinna í sjoppu á nóttunni og ætti hvorki að spyrja né þyggja læknisráð frá. Horfðumst í augu sekúndubrot og huxuðum báðir "þessi maður er kjáni" þegar ég greiddi fyrir þessa vafasömu blöndu áfengis og verkjalyfja.

DSB dólgurinn

 Er nýkominn úr skemmtillegu örferðalagi um Jótland. Skaust milli vakta að hitta kæró og tengdó í þar sem þær létu fara vel um sig í bústað skammt frá bænum Tarm ( já það þýðir görn). Tók svo lestina um kvöldið frá Vejle, sem er eini smábærinn sem getur státað af H&M búð og fjósalykt sem ég hef komið í.

Þegar maður tekur lestina hér í Danmörku getur maður borgað 30kall fyrir að taka frá fyrir sig sæti  og ofvaxna, nærsýna barnið sem ég er gerði það af sjálfsögðu til að geta fengið gluggasæti. En þegar ég kem í lestina og finn sæti 76 sé ég að í sætinu við ganginn situr kona um fimmtugt og les bók, ég bið hana kurtreislega hvort hún geti fært sig þar sem ég eigi bókað sætið við hliðina á henni. Hún horfir á mig og segir ekkert, heldur leggur frá sér bókina og löturhægt klöngrast hálfpartinn á fætur með herkjum svo ég naumlega gat troðið mér í mitt sæti. Huxaði með mér hvaða stælar þetta væru, eins og það væri verið að draga tennurnar úr kellingunni, hún ætti alveg að geta hleypt mér í sætið sem ég var búinn að borga fyrir. velti fyrir mér meðan lestin brunaði inní myrkrið hvort hún væri full eða bara tík, pantaði mér bjór og hækkaði í Ipodinum. Tveim stoppum síðar í Óðinsvéum kemur lestarvörðurinn askvaðandi til hennar, lítur á sæta númerið og segir " já, það varst þú ekki satt" snýr sér því næst við og kemur með hjólastólinn hennar og hjálpar henni í hann.

 Fann sjálfann mig skreppa saman að innan þegar miðameistarinn keyrði hana eftir ganginum og meiraðsegja Ipod Shuffle refsaði mér með að setja Instant Karma á með Lennon


Marklaus pæling #11

Ætli að simpansar séu með fingraför?

Det Europæiske Melodi Grand Prix 2009

Horfði á júrovision í fyrsta skipti í mörg ár í kvöld. Hef misst af því síðan ´92 vegna vinnu og vandaðs tónlistarsmekks. En ég skemmti mér konunglega, dolfallinn yfir Cirque de solei og tapaði kúlinu hreinlega af spenningi yfir kosningunni en  punktaði hjá mér það fyrsta sem mér datt í hug þegar eg sá lögin....

Litháen : A-evrópskur Craig David með ómerkilegasta sviðsstönt sem sést hefur... úúú eldur í lófanum.

Ísrael: er ekki í Evrópu

Frakkland: Lystarstolssjúk afturganga Edithar Piaff

Svíþjóð: “Hægt og hljótt” á sterum

Króatía: Hefði ekki átt að performa í stígvélunum sem pabbi hans notaði í stríðinu

Portúgal: Hun er feit en ég er hrifinn af því að fá loksins að sjá ukulele í Júró

Ísland:Auðgleymanlegt froðupopp sem ég heyrði í fyrsta skipti í kvöld, nógu venjulegt til að ganga oní N-evrópu.... en hún er feit.

Grikkland: GAY AS A FISH.. kóreografían fær 10, Fór létt með Michael Jackson taktana

Armenia: Leit út eins og kvennabúr soldaánsins hefði komist í ecstasy

Rússland: Póst sovíet drunginn gleymdist í flottum videó brellum

Aserbæsjan:...Þar sem vændiskonurnar dansa og syngja

Bosnía: Tilgerðarlegt tindáta fokk og versta notkun á vindvél EVER!!

Moldavía: gæti ekki fundið það á korti en dansararnir mynntu á Monthy Python skets og það er hrós.

Malta:hef ekkert um það að segja.

Eistland: Sætasta strengjasveit sem ég hef séð og leiðinlegasta lag sem ég hef heyrt.

Danmörk: þegar þú lest þetta verður lagið komið í spilun á Bylgjunni

Þýskaland: GAY AS A HAT... Lou Bega meets String-Emil

Tyrkland: Perka popp, langaði í kebeb þegar ég heyrði það.

Albania: Þau fá að heyra frá lögfræðingum Blue man group

Noregur: Stórefast um að hann Alexander sé að syngja um stelpu

Úkraína: Sylvía Nótt að gera rómverska heimsveldið af hommum

Rúmenía:”bad song but a nice wank”

Bretland:Lag sem væri viðeigandi í Disney teiknimynd frá tíunda áratugnum, ósmekklegt bragð að reyna á skora stig útá gamlt ledjént

Finland: Léleg eftirlíking af Mercedes club sem var lélegt til að byrja með

Spánn: Lag sem hefði bara átt að vera eftir á Ibiza

 

 Og mér fannst kynnirinn tala eins og Borat ef hann ynni á Bylgjunni en glæsilegur árangur hjá litlu feitabaollunni okkar að setja stigamet... hefðum hreinlega getað unnið ef ekki hefði verið fyrir fiðluglamrandi, smásíldardrepandi norsaratitt

 


mbl.is Ísland í 2. sæti í Moskvu
Tilkynna um óviðeigandi tengingu við frétt

Eins og vínkynning á AA-fundi

Ef þú ert kynlífsfíkill með "sjúklega þörf fyrir kynlíf" og "er með kynlíf á heilanum" er þá hópmeðferð með fólki sem er jafn brjálað í að sofa hjá og þú eikkva sniðugt.

Já um að gera að láta gratt fólk hittast í kirkjunni tvisvar í viku og tala um kynlíf. Hvað næst kökubasar OA samtakanna og skútuferðir NA til Amsterdam.

Að ógleymdum stofnfundi Workaholics anonymus á aðfangadag kl 1800


mbl.is Kynlífsfíklum fjölgar
Tilkynna um óviðeigandi tengingu við frétt

10 atriði sem sjónvarp og kvikmyndir hafa kennt mér um lífið

- Langskólagengið fólk í ábyrgðarstöðum, t.a.m. saksóknarar og kaupsýslumenn, eru alltaf með sterkt áfengi inni á skrifstofunni sinni

- Aldrey treysta neinum með breskan hreim

- það eru bara tvö lönd í heiminum, Bandaríkin og Evrópa

- Ég þarf að hafa etnínskan minnihluta í mínum vinahóp

- Bráðavaktarlæknar hafa tilfinningaþroska á við börn og sofa saman í vinnunni

- "Now if you would excuse me officers" þýðir að ég sé feitt sekur

- Ég á að segja eitthvað töff áður en ég drep aðal óvin minn.

- Ef kona vill ekki kyssa mig þá virkar það að reyna aftur og af meiri ákafa

-  Feitir vitlausir karlmenn eiga fallegar klárar konur

- Ef ég byrja að dansa úti á götu þá kunna allir í kringum mig sporin


Mæli með..

..Kvikmyndinni Milk, þar sem Sean Penn túlkar listilega baráttuþrungna æfi hommaaktívistans Harvey Milk. Josh Brolin veldur heldur ekki vonbrigðum en Penn átti vissulega heimtingu á Óskarnum fyrir að hafa þurft að fara í alla þessa strákasleiki..

Mæli með..

..Cilit fokkin Bang, allt í einu verður bara gaman að þrífa eldhúsvaskinn. Hlakka bara til að fara að skúra.

Mæli með..

..Að vera annaðhvort rosalega lítill(S) eða rosalega stór(XXL) þá er hægt að gera dúndurkaup á útsölumörkuðum með merkjavöru. Ekki mikið að hafa fyrir M-manninn sem notar skó #42 á svoleiðis.


Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband