Skreytum hús með grænum greinum

Mikið hefur maður lesið í blöðum og netheimum um "sérstaka" jólasiði í öllum heimsins hornum sem koma saltkjötsétandi neysluseggjum sérkennilega fyrir sjónir.

 Ég hef hinsvegar velt fyrir mér hvernig það varð til siðs í norðanverðri Evrópu og víðar að taka eina tréð sem enn var grænt um hávetur, drepa það, draga inn í stofu, reyna að kveikja í því með að hengja á það kerti og dansa einfalda útgáfu af vikivaka í kringum hræið til að fagna hækkandi sól.