Af yfir-vinnu og varnaðarorðum

 Jæja eftir langa og mikla törn á Nómu hef ég ákveðið að færa mig um set eftir 3mánuði í starfi þar, ektjúallí er það meira eins og 6 mánuðir því að ég var að skila 300 tímum á mánuði og það er tæplega tvöfaldur vinnumánuður. Einfaldlega varð þetta bara of mikið og líkaminn farinn að láta á sjá og vinnan einfaldlega ekki nægilega gefandi fyrir mig en eina eiginlega matreiðslan sem fór fram á stöðinni minni var staffið.

 En nú hef ég eftir  ábendingar frá slátraranum fengið vinnu á Den lille fede sem er staður á St.Kongsgade niðrí bæ. Það sem heillaði mig við þann stað, fyrir utan venjulegar 2-2-3 kokkavaktir, er konseptið. Einungis er boðið upp á menjúa; 3rétta, 5 rétta og 7 rétta og er þetta frekar ódýrt með vínum að auki.. 910dkr minnir mig fyrir 7 rétti með vínum sem verður bara að teljast nokkuð gott.... byrja á föstudaginn ;)

 

 Af öðrum fréttum erum við hjónaleysin flutt í risíbúðina okkar á Valmúgavegi og líkar vel, enda hefur pleisið verið fótódókjúmentað og er hægt að skoða herlegheitin á síðunni hjá Þóruminni. Íbúðin er vel staðsett í raðhúsa/einbílishúsahverfi(minna gettó) steinsnar frá Amagarbrogade um 10-15 mín. hjólaferð niðrí bæ.

 Amager hefur slæmt orð á sér fyrir að vera soldið gettó, allavegana norðurhlutinn við Lergravsparken þar sem ég var áður og ber eftirfarandi uppskrift af samtali sem ég átti við Róbert Fabío, flúraða vöðvatröllið með úberdanska hreiminn sem ég hef vitnað í áður hér á síðunni, þess vitni.

 

Fabío: So Hraggi where is your new apartment

Raggi: It´s on Amager

F: oooooohhhhhhhh hehehe (spúkí svipur)

R: What??? Is it a bad neighbourhood??

F: Naaaah I guess trouble only come to those who look for it....

 

Undrandi og hálf smeikur eftir þennan danska Taóisma með varnaðarorðum frá vöðvatröllinu með “True Soldier” tattúið, hughreisti ég mig með því að þetta geti nú varla verið eins slæmt og Rimaranir.