Nei nú er hann búnað missa það...

Já nú hefur konungur poppsins gengið of langt. Eftir að hafa ítrekað ákærður um ósæmilegt athæfi gagnvart drengjum, barnað hjúkrunarkonuna sína tvisvar, látið óskylgetinn (í kvenlegg) son sinnsem heitir Teppi  hanga fram af hótelsvölum, vilja skrifa nafnið sitt á Tunglið, svindlað á skattinum í gegnum góðgerðarsamtök og afmyndað sig með ótal lýtaaðgerðum hefur hann gersamlega farið yfir strikið....

 Já ég held að mixa ljótann greddu-hiphoptakt yfir Billie Jean sé það allra ljótasta sem Michael Jackson hefur gert...

Hræðilegar 2 vikur

Hjúkkitt!!

Kreppan er loksins búin.

Nú get ég loksins farið að éta foiegras fylltan Kobe- nautahrygg sem væri hann ótýndur, þrí-frystur lambahryggur hvern sunnudag. Fylli Fordinn (F-250) og gert dónöts á Húsgagnahallarplanið. Tekið þyrlu í laxveiðina í sumar. Drukkið Chateu Du Prump 1986 af stút eða úr plastglasi íþeim tilgangi einum að ná ölvun. Loksins get ég keypt annað Tolla málverk, finnst að ég verði að eiga oddatölu af Tolla málverkum. Já og öppdeita dekkóið heima, ég hef ekki komið í Innlit/útlit síðan í vetur. 

Ætti kannski að fá mér fasta vinnu fyrst.... 

Yfirvofandi hrun Danmerkur

 Hmmmm.. ég þarf kannski ekkert að læra dönsku.

Umhverfisvæn endurvinnsla??

Á meðan að hver einasti dreifbýlingur heimtar að byggt verði álver í túnkantinum hjá sér, spennustöð, vatnsaflsvirkjun eða olíuhreinsistöð. Leiðir maður auðvitað hugann að hvað maður getur gert til að vera "umhverfisvænn".

Ég get t.d. haldið til haga öllum dagblöðum sem Sjálfstæðisflokkurinn og Baugur troða inn til mín daglega (með stuttu en velþegnu hléi á stórhátíðardögum ), safnað til stórum búnka og keyra á tveggja lítra bensínvélinni minn að næstu grenndarstöð, þar sem grafarvogskar húsmæður með borgarjeppann í lausagangi raða og flokka pappír eftir gljástigi í kílóavís  til endurvinnslu. Fullur skammvinnar umhverfiskenndar geri ég mér fljótt grein fyrir því að ég hef aðeins eytt tíma, plássi og innanbæjarakstursbensíni í að sjá stórfyrirtækjum fyrir ódýru hráefni, sem sennilega er siglt með til Kína og það hakkað niðrí BigMac pakka með kolaorku.

Ég gæti nottla fengið mér endurvinnslutunnu en það kostar og ég  splæsi ekki heimsendingunni á korperatið.